2016/3/5

【今天我…】黃貫中論抗爭歌:有乜頭暈身㷫就拎出嚟唱  新聞

黃貫中(Paul)與Beyond成員黃家強數度隔空開火,早前又喺微博發表「殺父論」,言行驚人,不過《蘋果》見到身穿皮褸牛仔褲一身Rock友打扮嘅阿Paul,軟攤喺自己studio梳化,面對佢認為係敏感嘅問題,竟然笑咪咪,侃侃而談,話「廿年心結」未能一下子解開,不過51歲嘅阿Paul明顯脾性去咗另一個化境,未知係唔係因為囡囡黃鶯,令阿Paul個心軟化!?

自93年黃家駒離世,Beyond成員黃貫中、黃家強屡傳不和,多年嚟已達水火不容之境,另一成員葉世榮6月開Beyond紀念騷,阿Paul一早答應,但問題係家強,至今遲遲未覆,可唔可以見到三子合體,仍然係言之過早,阿Paul表示:「其實呢個騷係紀念家駒嘅,但凡紀念家駒嘅音樂會,我都希望出席,亦都從來冇話過唔ok同台演出。當然Beyond係好多人嘅集體回憶,大家可以同台都係為咗一個信念。」
世榮6月開騷,但阿Paul搶先於4月9號喺九展開音樂會,佢透露音樂會有新歌、舊歌,唱經典歌《海闊天空》同《光輝歲月》係指定動作,面對《海闊天空》成為集會人士嘅抗爭歌曲,阿Paul說:「呢首歌我唔敢講係咪香港精神,應該點講呢,我諗係大家對《海闊天空》嘅一種集體情懷,首歌有家駒有Beyond精神,唱嗰陣又可以嗌吓,所以順理成章、有乜頭暈身㷫就會拎出嚟唱!」
Beyond可唔可以合體仍係未知數,但早前家強就率先喺台上同「家駒」合體,為內地一手機宣傳結果遭網民瘋狂洗板,斥家強「發死人財」,對此,阿Paul表示:「我唔可以就一個商業行為去干涉人哋,因為我睇唔到原裝嗰條片,只係有人forward咗條二次創作嘅片畀我,哈哈哈,我覺得得啖笑啫!總而言之,有分數啦,《我有分數》,哈哈,講嘅係我首新歌歌名!」
阿Paul前年踩場支持「佔中」,有指近日遭內地封殺,內地音樂會急煞停,佢坦言大家知幾多,佢就知幾多:「其實嗰個係一個歌友會,有返開內地演出嘅人都知,好多時都會忽然間stop咗,離緊下半年我都會上去做嘢,始終香港得800萬人,唔可以融入得晒我嘅音樂,所以無論係內地或者海外,只要有耳朵嘅地方,我都會去。」

From apple daily

2016/2/23

黃貫中做硬Beyond紀念騷  新聞

黃貫中做硬Beyond紀念騷

Paul昨日宣傳4月的個人音樂會時,表示支持世榮搞家駒紀念騷。
Beyond的靈魂人物黃家駒於93年發生意外離世,成員黃家強和黃貫中(Paul)近年不咬弦,Beyond要合體絕不容易,葉世榮去年發起搞Beyond紀念騷,他積極籌備,鐵定今年6月10日,家駒54歲冥壽當天在灣仔會展開騷。

葉世榮前晚在尖沙嘴出席一個壽宴時表示一切進行得如火如荼:「舊年我都講過想搞個紀念家駒嘅騷,延續同宣揚佢嘅愛心。」葉世榮有信心齊腳:「Paul應承咗,繼續努力游說家強,佢態度冇之前咁強硬。」葉世榮指家強若不到,與Paul仍會照唱,4月便會公佈詳情,演唱會收益會撥作慈善用途。Paul昨在銅鑼灣回應:「等佢(葉世榮)去傾啦,我答案係我一定冇問題。」Paul先於4月9日在九展舉行個人音樂會。

From Apple Daily

2016/1/29

游說家強Paul合體 單拖照做 世榮6.10會展騷念家駒  新聞

游說家強Paul合體 單拖照做
世榮6.10會展騷念家駒

葉世榮、黃貫中(Paul)和黃家強自2000年Beyond解散之後,各以自己的方式懷念家駒,今年或許有機會見到三子聚首演出「家駒紀念演唱會」。前晚世榮在九龍灣出席電影公司開幕晚宴時,透露在灣仔會展舉行一場紀念家駒籌款騷,他說:「6月10號(家駒生忌)要搞家駒籌款演唱會,唔等紅館期,喺會展搞。會展有8,000幾人,都接近紅館,只做一場。剛拎到場地,所有嘢都計劃中,最遲4月有發佈會。」

談到大家高度關注三子能否合體一事,世榮說:「大家最關心嘅嘢,我努力中,盡我所能,希望可以再一次見到三個一齊。」他表示好有信心,已先後跟Paul和家強見過面:「兩個都見過,分開見,見邊個先後就唔講。傾偈都好深入。」他指若有需要會相約一齊見面:「呢個音樂會好有意義,咁多年嘅嘢都係無謂嘢,希望佢哋唔好放喺心,做件有意義嘅事,自己當家駒未走,希望可以一齊再合作,做啲嘢幫吓人。」

世榮續說:「唔止係紀念,大家忽略咗家駒嘅愛心,想延續落去,點做就諗一諗,籌款活動有好多,但咁樣做都係第一次,真正有意義有主題去宣揚佢嘅愛心係第一次。」世榮表示若最後結果只有他一個,也會照做,會當家駒同在一齊去做。
此外,開幕晚宴同場的羅霖,低V現身明艷照人,但一開聲就嚇死人,她說:「四日都係咁,真係好難聽,好耐冇試過咁。醫生仲問我使唔使唱歌,如果要就要打針,自己驚有類固醇,有就唔打,佢叫我休息,但冇可能,呢排好多嘢做,疲勞過度。」

from: apple daily

2013/7/6

葉世榮"薪火相傳"Live  世榮

クリックすると元のサイズで表示します

会場: Music Zone @E-Max, 九龍灣國際展貿中心地下
日程: 2013年7月6日 (土曜)
時間: 20:00 (約90分)
チケット: HK$280(オールスタンディング)
詳細: +852 8100 0138
Web : http://www.puffinent.net/saiwing

2013/6/5

黃家強 It's alright LIVE 2013  家強

黃家強 It's alright LIVE 2013

クリックすると元のサイズで表示します
日  付: 2013年6月4日(火曜)、6月5日(水曜)
場  所: 香港九龍灣國際展貿中心Star Hall
開始時間: 20時15分〜
チケット: HK$580,$380,$200(快達票HK Ticketingにて発売中)



teacup.ブログ “AutoPage”
AutoPage最新お知らせ